Kronika o našen Malon mistu

Je, je … Ovo su moderna vrimena konpjuteri, informatike, mobiteli, pametni mobiteli, fejsbuka, tvitera – skužajte – iksa i najskoli jutubea di se sad moredu nač sve epizode serije “Naše Malo misto”, ono ča je Marušić snimija još 1968. E, svima nan je drago po stoti put pogledat Borisa ka Roka, Karla ka Luiđa, Asju ka Bepinu, Zdravku ka Anđu i sve one druge drage likove čiji se filmski imen svi sičan ali ne i imen glumac koji su is glumili, evo mora san zaguglat da vidin kako se Pošćer Bombišta zva Mirko Vojković.

Dunkve seriju svi znamo, a recite mi koliko je od vas pročitalo baš Smojinu knjigu? Malo, malo, evo nisan ni ja još cilu. Evo van je odma ovde:

https://drive.google.com/file/d/1H2rKNFOPQIAoggYHtozSf9RoIYa3p3mo/view

Ka san započinja čitat mislija san kako ču moč zamišljat drugačije likove nego ča su oni u seriji, ma nemore se, bar ja ne mogu. Dok čitan radnju u glavi mi se paralelno odvija scena iz serije, Roko je Boris, Anđa je Zdravka i tako dalje. Zato i nisan pročita knjigu u jednom dahu.

Eto van je u PDF-u, stavija san več link. Ako je Mali Marinko moga oti libar ukrest bidnome pošćeru iz šufita mogu i ja njemu. Ja mislin da se on gori u Žrnovnici neče jidit.

Inšoma evo van ovde još i uvodna besida:

Svako naše malo primorsko misto jema svoga
kroničara, Ijetopisca. Čin se ujutro digne iz posteje,
sede za stol, naravski u tinelu, jer istorijska važnost
posla ne dopušća da škritorij bude u kužinu, pa uz
bilu kaju i biškotine marljivo bilježi ča se dogodilo.
Kako se staračka ruka uvik bokun trese, to su i
stranice debele knjižurine poprskane kapjama koje
se razlivaju niz ćikaru i cididu iz biškotina. Ali to ne
umanjuje vridnost kronike vengo je samo prožima
finin, plemenitin mirison.

Jednu takvu knjigu, šporku, punu plisni i tragov
mišji zub, naša san u šufitu jednega malog dalma-
tinskog mista.

Ispunja je kroz godine krasopison pošćer tega
maloga mista, čovik ne baš tako bezazlen kako
bi se moglo promislit u prvi maj zaraj njegovega
zanimanja i lišnosti. Ne, ne, ne! Zna je bit pomalo
i zloban naš Ijetopisac, bokun podrugljiv višje ven
dopušća obzir prema staračkoj čangrizljivosti. Šće-
ta ča se kronika ni sva sačuvala pa puno stranic i
nima, oli su nečitke. To mije, virujte mi, kad san
kroniku ukreja, zadalo puno puno posla i mnoge
događaje moga san tek pouonjat poizdaje, a nike
glave kronike i izuentat.

Osobito mije draga prva uvodna stranica kroni-
ke u kojon pošćer, ka stari pisnid, počimje invoka-
cijon sveca zaštitnika Maloga mista:

Lito gospodnje 1936. godine na dan svete Eliza-
bete, patrona našeg Malog mista
Svojon voljon i milošću božjon odluči san danas,
potaknut jednim velikin događajen, pisat kroniku
našeg Malog mista. Dugo san se bavi ton mišlju
da ja, pošćer ovdašnji, koji sve vidin i znan sve
čase dogaja u našin kaletan, konoban, u brija
čnici iapoteci, u postejan, kancelarijan i gajetan, a bu-
dući sančovik stiman i pismen, počmenčinit za-
pise kojiće našen potomstvu ostavit sliku o našen
vrimenu i o judiman u njemu. Za početak izabra
san dan svete Elizabete, jer je ona po predaji naro-
dnoj zaštitnica čiste misli i otvorena govorenja.
I kad je tako, sveta Elizabeto, budi mi zaštitnica
u ovome teškome ma poštenome poslu!